Description
Cam buxê helmê aye ra bîbî sey perdeyêk. Destê xo derg kerd buxê camî ser ra bêçikê xogiran-giran fetilnay. Bux de seklê yew estore xêze kerd. Çimê xo paday û a xeyal kerde. Estore heme sipî bîye. Sey vewre, seyhewranê hamnanî sipî bîye. Tena çareyê aye bes bî, besêde sîya.A çargamî vazdayêne. Ereqê aye binê tîje deberiqîyayêne. Helmê aye rîyê xo de hîs kerd. Qirpayîsê zerrî hesna. Niska ra hewrîgurray. Çimê xo akerdî û ewnîyaye asmênî ra. Asmên bîbî tingûtarî. Buxê camî giran-giran pak kerd. Seklê estore zî giran-giranvîndî bî. Tena bijiyê estore mend. Biluskî bajarî ser o sewle da. Her ca yew vîste de rostî bî. Dima ancî tarî bî. Lerze. Destê xosêneyê xo ser o ardî pêser. Vileyê xo çewt kerd. Sereyê xo nabi pencera ra. Cam serdin bî…
Reviews
There are no reviews yet.